ئەسسالامۇ ئەلەيكۇم قۇرئان ۋە ئىترەت ئسلام تورىغا خۇش كەپسىز



    ئالىم ئابدۇشۈكۈر مۇھەممەدئىمىننىڭ كىتاب ھەققىدە ئېيتقانلىرى

    -كىتاب - خۇددى قولۋاققا ئوخشاش بىزنى تار دائىردىن، بىپايان تۇرمۇش دېڭىزىغا باشلايدۇ.

    -كىتاب - بىزگە بىلىم ۋە كۈچ - قۇدرەت ئاتا قىلىدىغان دوستىمىز.

    -كىتاب - بارلىق قۇلۇپلارنىڭ ئاچقۇچى، ئەقىلنىڭ نۇرلۇق چىرىغى.

    -كىتاب - ئۇ قىممەتلىك مەنىۋى بايلىق بولۇش سۈپىتى بىلەن مىللەتنىڭ مەدەنىيەت، ئەخلاق ساپاسىنى ئۆستۈرىدۇ. كىتابنى پەقەت بىلىمگە ئىنتىلىدىغان كىشىلەرلا قەدىرلەيدۇ.

    -كىتاب - ھەر بىر شەخسنىڭ مەنىۋى فوندى ۋە ئۇنىڭ كامالەت گۇۋاھنامىسى.



    -كىتاب - ئىنسانىيەتنىڭ ئۆز قولى بىلەن بىنا قىلغان ھەقىقىي ۋە بىردىنبىر ئەلئېھرام.

    -كىتاب - ئۆز - ئۆزىمىزنى قۇدرەت تاپقۇزۇشىمىزغا تۈرتكە بولىدۇ، ئىلھام بېرىدۇ، يېتەكلەيدۇ. ئۇ، كىشىلىك تۇرمۇش سەپىرىنىڭ ئېسىل ھەمراھى.

    -كىتاب - ئەڭ ياخشى ئارزۇ - تىلەكلەرنى ئويغىتىدۇ.

    -كىتاب - ئەقىلنى ئۆتكۈر قىلىدۇ ۋە يۈرەكنى يۇمشىتىدۇ.

    -كىتابنى پەقەت بىلىملىك كىشىلەرلا قەدىرلەيدۇ.

    -كىتاب - ئىنسانلارنىڭ ئەڭ يېقىن سىرداش دوستى.

    -كىتاب - ئانا دىيارنىڭ سەلتەنەتلىك خاتىرىسى.

    -كىتاب - ئەڭ ياخشى ئۇستاز، ئۇ ساڭا شەخسىيەتسىزلىك بىلەن بىلىم بىرىدۇ.

    -كىتاب - ئەڭ سادىق ھەمراھ، ئۇ ھاياتلىق سەپىرىڭىزگە مەڭگۈ ھەمراھ بولىدۇ.

    -كىتاب - ئىنسانلار ئالغا ئىلگىرىلەش يولىدىكى پەلەمپەي، ئىنسانلارمۇ مۇشۇ پەلەمپەي بىلەن پارلاق قەدەم قويىدۇ ۋە يۇقىرى ئۆرلەيدۇ.

    -كىتاب - ئىرادىنى چىڭىتىدىغان قورال، كىتاب - لوقمان ھېكىم، كىتاب - رۇستەم پالۋان.

    -كىتاب - يېشىلمىگەن سىرلارنى يەشكۈچى ئالىم.


    كىتاب ھەققىدە ئېيتىلغان ھېكمەتلىك سۆزلەر:

    -كۆچەت تىكسەڭ پۇتاپ تۇر تۈز لىم ئالىسەن، بىكار بولساڭ كىتاب كۆر، ئالىم بولىسەن.

    -كىتاب - يۈكسەك ئۇچۇر ۋە مۇقەددەس تامغىدىن ئىبارەت

    - كىتاب ئوقۇش- باشقىلارنىڭ ئەقلىدە ئېلىپ بېرىلغان ئەڭ كۆڭۈللۈك ۋە جاپاسىز بىر ساياھەتتۇر. (سەلمان ئەۋدە)

    -«كىتاب-بەخت ۋە قۇدرەتلىك ئىستىقبال يولىدا ئادىمىزات ياراتقان كەڭ، مۇرەككەپ مۆجىزىلەر ئىچىدىكى ئەڭ بۈيۈك مۆجىزىدۇر» (ماكسىم گوركىي)

    -كىتاب-ئىنسانىيەت دۇنياسىنىڭ ئەقىل-پاراسىتى ۋە تارىخنىڭ ئەڭ ئىخچام ئامبىرى. شۇنداقلا ئۇ بىر ناھايىتى ئەرزان، شۇنداقلا قولاي، كىچىك بىر مەكتەپ.


    -بىر دانا توختىماي قىلاتتى خىتاب،

    بىلىمسىز كىشىلەر ئەما ھەم بىتاب.

    سورىدىم ئەملەشنىڭ دورىسى نېمە؟

    ئۇ دېدى: كىتابتۇر، كىتابتۇر كىتاب.  (مامۇت زايىت)

    -كىتاب ئىنسانلارنىڭ ئىلگىرلىشىدىكى شوتا، مەن شوتىنىڭ ھەر بىر ۋاخنىسىغا چىققاندا ياۋايىلىقتىن ئادىمىيلىككە قاراپ ئۆرلىيەلەيمەن، گۈزەل تۇرمۇشقا يېقىنلىشىمەن، شۇنىڭ بىلەن كىتابنى تېخىمۇ ياخشى كۆرۈشكە، قەدىرلەشكە باشلايمەن. (ماكسىم گوركى)

    -كىتابلار قەلىبنى يورۇتىدۇ. ئىنساننى يۇقىرى پەللىگە كۆتۈرىدۇ ۋە كۈچكە كۈچ قوشىدۇ. ئەڭ ياخشىسى ئارزۇ-تىلەكلەرنى ئويغىتىدۇ، ئەقىلنى ئۆتكۈر قىلىدۇ ۋە يۈرەكنى يۇمشىتىدۇ. (ئۇ .تېككېربي)

    -كۆچەت تىكسەڭ پۇتاپ تۇر تۈز لىم ئالىسەن، بىكار بولساڭ كىتاب كۆر، ئالىم بولىسەن.

    -كىتاب دوستتۇر، ئۇ گەرچە قىزغىن دوست بولمىسىمۇ، ئەمما ئۇ ناھايىتى سادىق ھەمراھ. (ھيۇگۇ)

    -كىتاب — ئىرادىنى چىڭىتىدىغان قورال، كىتاب — لوقمان ھېكىم، كىتاب — رۇستەم پالۋان.

    -كىتاب دۇنيانىڭ ئوزۇقلۇقى. تۇرمۇشتا كىتاب بولمىسا قۇياش نۇرى بولمىغانغا ئوخشايدۇ. ئەقىل–پاراسەت يېتىلدۈرۈش ئۈچۈن كىتاب بولمىسا، قانىتى يوق قۇشقا ئوخشاش بولۇپ قالىدۇ. (شېكىسپىر)

    -كىتاب دەۋر دولقۇنىدا ئىلگىرىلەۋاتقان ئىدىيە كېمىسى، ئۇ ئېھتىياتچانلىق بىلەن قىممەتلىك مالنى ئەۋلادمۇ–ئەۋلاد يەتكۈزۈپ بېرىدۇ. (باكون)

    كىتاب-ئىنسانىيەت دۇنياسىنىڭ ئەقىل-پاراسىتى ۋە تارىخنىڭ ئەڭ ئىخچام ئامبىرى. شۇنداقلا ئۇ بىر ناھايىتى ئەرزان، شۇنداقلا قولاي، كىچىك بىر مەكتەپ.

Add comment


Security code
Refresh

پايدىلانغۇچىلارنىڭ سانى

2.png3.png1.png7.png5.png8.png
بۈگۈنكى24
تۈنۈگۈنكى275
بۇ ھەپتىدىكى 2045
بۇ ئايدىكى7729
ئومۇمى231758

2018 يىل ماي-27 يەكشەنبە 01:07

تور بېكىتىمىزدە خاتا بۇلۇپ قالغان مەزمۇن بولسا قېرىنداشلىرىمىزنىڭ ۋاقتىدا بىزگە ئۇچۇر قىلىپ قۇيۇشىنى چىن قەلبىمىزدىن ئۈمىد قىلىمىز .  ئىنسان خاتالىقتىن مۇستەسنا ئەمەس،
اللە ھەممىدىن ياخشى بىلگۈچىدۇر . تور بېتىمىزنىڭ تەرەققىياتى ئۈچۈن دوسلىرىڭىزغا تەۋسىيە قىلىپ قويۇڭ. بېكىتىمىز ،سېرىق ھەم دۆلەت قانۇنىغا زىت بولغان ، مىللەتلەر ئىتتىپاقلىقىغا تەسىر   يەتكۈزدىغان ئۇچۇر ۋە يازمىلارنى قەتئىي  چەكلەيدۇ. ئۆزىڭىزنى ئاسراپ ئالدىنىشتىن ھەزەر ئەيلەڭ .